GPO Akranes Natacion

GPO Akranes Natacion hópurinn, eins og við heitum hér á Benidorm bendir aðdáendum á að frettir og myndir er að finna á Benidorm síðunni okkar.

27. júlí 2010 20:19

Allt í góðu á Benidorm

Nú er fyrsta alvöru æfingadeginum lokið hér á Spáni. Allt gekk eins og í sögu, vatn í lauginni, sól á lofti, flestir ómeiddir og vel SADDIR. Dagurinn byrjaði

meira...

12. júlí 2010 13:23

Styttist í æfingabúðir

Sundmenn Sundfélags Akraness hefja æfingar eftir stutt sumarfrí þann 27. júlí á Benidorm á Spáni. Vegna þessarar ferðar (sem hefst reyndar 26. júlí) verður foreldrafundur að Jaðarsbökkum kl. 20:00 þann 15. júlí þar sem farið verður yfir tilhögun ferðar.

Meðan beðið er eftir fundinum er tilvalið að skoða Benidorm-síðuna okkar

8. júlí 2010 13:15

A/B hópur ætlar að hjóla fyrir Hvalfjörð

Við ætlum að hjóla fyrir Hvalfjörð miðvikudaginn 14. júlí ef veður verður hagstætt. Förum af stað kl 17:00 frá Jaðarsbökkum. Hjólum af stað sunnan megin við göngin.

Vegalengdin er ca. 75 km og tekur 5-7 klst

meira...

4. júlí 2010 14:11

Arta með Akranesmet í Noregi

Arta Haxhiajdini og Birgir Viktor Hannesson voru um helgina í Drammen í Noregi að keppa á Norðurlandamóti æskunnar með unglingalandsliði Íslands.

Krakkarnir syntu vel og bætti Arta sig í þremur af fjórum greinum sem hún synti og setti glæsilegt Akranesmet í 400m skriðsundi í morgun þegar hún synti á 4.42,91 mín sem er um 6 sek. bæting.

Íslendingum gekk vel á mótinu og var góður andi í liðinu. Það sem bar hæst var að Kolbeinn Hrafnkelsson úr SH vann til tveggja gullverðlauna.

1. júlí 2010 21:06

Tveir Skagamenn keppa með unglingalandsliði Íslands í sundi um helgina

Um helgina fer fram Norðurlandameistaramót æskunnar í sundi í Drammen í Noregi.

Sundsamband Íslands sendir unglingalandslið skipað níu sundmönnum sem náð hafa lágmörkum.

Tveir Skagamenn eru í unglingalandsliðinu þau Arta Haxhiajdini 14 ára og Birgir Viktor Hannesson 16 ára. Ragnheiður Runólfsdóttir fer með liðinu sem þjálfari.

meira...

29. júní 2010 21:52

Akranesmet

Sundmenn frá Akranesi hafa verið duglegir við að bæta Akranesmet að undanförnu.

Elstu meðlimir Sundfélagsins hafa staðið í ströngu við keppni á undanförnum vikum. Í lok maí tóku þau þátt í Bikarkeppni SSÍ í Reykjanesbæ, viku síðar voru Akranesleikarnir haldnir á Akranesi, helgina þar á eftir var Smáþjóðamót-SH haldið í Ásvallalaug í Hafnarfirði þar sem Sundfélag Akraness átti 8 landsliðsmenn og um síðustu helgi var Aldursflokkameistaramót Íslands haldið í Ásvallalaug.

meira...

27. júní 2010 23:17

AMÍ lokið

Á síðasta degi AMÍ nældu sundmenn SA í nokkra meistaratitla.

Sindri Freyr Ísleifsson og Arta Haxhiajdini sigruðu í 100 metra skriðsundi, Salome Jónsdóttir í 200 metra flugsundi, Birgir Viktor Hannesson í 400 metra fjórsundi, Inga Elín Cryer í 400 metra fjórsundi og Jón Þór Hallgrímsson í 100 metra baksundi á nýju Akranesmeti. Þá sigraði meyjasveitin 4x50 metra skriðsund en í sveitinni voru: Anna Eze, Birna Sjöfn, Yrsa Katrín og Júlía Björk.

Á lokahófi mótsins voru stigahæstu sundmennirnir heiðraðir og var Inga Elín Cryer stigahæst i flokki 17-18 ára.

Aðrir í verðlaunasætum í dag voru:

meira...